به گزارش مشرق، «انعام‌الله سمنگانی» معاون سخنگوی طالبان با ارسال یک پیام صوتی به خبرنگاران گفت که هیچ از خاک افغانستان هیچ «تهدید بالفعل و بالقوه» متوجه کشورهای همسایه و منطقه نیست.
این درحالی است که اخیراً «ولادیمیر پوتین» رئیس جمهور روسیه در ملاقات با «امامعلی رحمان» رئیس جمهور تاجیکستان گفته بود که وضعیت امنیتی در مرز افغانستان و تاجیکستان نگران کننده است.
پوتین خطاب به رئیس جمهور تاجیکستان گفت بود که «طبق توافق ما، مقداری تسلیحات و تجهیزات برای تقویت نیروهای مسلح تاجیکستان تحویل داده شده است تا تاجیکستان بتواند به طور موثر با هرگونه تهدیدی مقابله کند که از خارج برای کشور شما سرچشمه می‌گیرد».
سمنگانی در این پیام صوتی اظهارداشت: طالبان «همانطور که در داخل کشور امنیت را تامین کرده، از مرزهای کشور هم حراست و حفاظت می‌کند و نگرانی‌هایی که در این مورد مطرح می‌شود، بی‌مورد است».
وی خاطرنشان کرد که تاکنون هیچ تهدیدی از افغانستان به کشورهای همسایه و منطقه پیش نیامده است و طالبان نسبت به تامین امنیت مرزهای این کشور متعهد هستند.
تاجیکستان که بیش از ۱۳۰۰ کیلومتر مرز مشترک با افغانستان دارد، بارها نگرانی خود را در مورد جنگ و ناامنی در افغانستان و گسترش و نفوذ تروریست‌ها از این کشور به تاجیکستان ابراز کرده است.
پس از تسلط طالبان بر افغانستان، نظامیان روسیه در تاجیکستان تمرینات نظامی را راه اندازی کرده و پایگاه‌های نظامی خویش را تقویت کردند.
